أخت زوجي تجرحني

انا ساكنه عند اهل زوجي انا واخت زوجي بيننا مشاكل ع طول لسانها بذئ وماتخليني بحالي امس رحت اشتكيت ع ابوها قال انتو ليش ماتصلحو شقتكم اللي فوق وتطلعو فيها خلي زوجك يوديك عند اهلك ويصلح الشقه ترى ماراح تموتي ثلاثه اربعه شهور انتو جالسين في مجلس الضيوف عمتك بيجوها ضيوف تصرفهم احنا ماعندنا غرف زايده ولا ماقلنا شي الضيوف حدهم خمسه عشره ايام مو انتو لكم شهر وشويه وكلام كثير ذا جزء بسيط منه انا حسيتني انهنت مرره وزوجي ولا هامه اش الحل؟

ريهام

28 سنه

guest
5 تعليقات
الأكثر تصويتاً
الأحدث الأقدم
Inline Feedbacks
View all comments
ريناد
ريناد

انتي مغلووووووبه ع أمرك وضعيفة شخصيه عند زوجك من قلتي ان سهران للصبح ماجاك ومن هددك بالطلاق وطردك وانتي ساااااكته فهالنوعيه يستغل ضعفك بس اذا رحتي بيت اهلك وقفي له رجال يعلمه علوم الرجال شلون تحفظ كرامة حريمها وتصونها وشلون يكد عشان يوفر لها معيشه كريمه وألا الرواتب ماصار لها اسبوع من نزلت وين رااااح الراتب معقوله ماباقي منه حق باب والمكيف واذا ماعنده يتسلف من أبوه والراتب الجاي يرده له بس فعلا زوجك باااااارد ولاهو حق مسؤوليه

ريهام
ريهام

ايه روحي توكلي ع الله هذا عذر من زوجك بيغا يوديك لاهلك لانك في البدايه طلبتي تروحين وندم انه ماوداك ومايبغا يعترف وقولي له ليه خليت الامور توصل لين هالحد بيني وبين اهلك لين ماطردوني انا بنت الناس ماتحمل بس انت ولدهم تصطفل معهم لاتخليني اواجههم ، انت ماودك تكون علاقتي معهم طيبه خليتهم يطفشون مننا ومن هالكلام

شروق
شروق

اطلعي فوق بدون باب وخذي فرشة الخرجات وافرشيها ونامو عليها وان قال شي على تصرفك قولي طبيعي اتصرف بدالك لان حتى الجدار يحس وانتا ماتحس لو فعلا معتبر نفسك رجال ومهمتك تحمينا احفظ كرامتنا ولو تستلف حتى تعيشنا عيشة كريمة

سهيلة
سهيلة

تسكنين عند أهلك أحس من عند اهله على الاقل بنتهم وبيتحملونك ولاتضيقين على الناس وش ورى هالكلام كلام ……..!!

سلمي
سلمي

كلامهم جارح بس صحيح وش مجلسك بمجلسهم معليش بيزعلك كلامي بس تحملي امسكي شنطتك وعيالك واطلعي عند اهلك عيب تجلسين كل هالمده بمجلسهم ماهم مجبورين يتحملونك فيه وليش ماقالو لولدهم عارفين انه بارد وماراح يتحرك وهو لاقي غرفه تضفه روحي لاهلك وقولي لزوجك متى ماخلصت الشقه تجي تاخذني ولا استاجر لنا لين تخلص تعديلاتك اما اني احشر الناس بييوتهم لين طقت انفسهم وقالوها بالوجه معليش بس كل انسان له طاقه

أضيفي مناقشة جديدة

    5
    0
    شاركي بتعليق جديد على هذه المناقشةx
    ()
    x