أفكار غداء سريع

اقتراحات و أفكار عمل غداء سريع شهي كل يوم

كل يوم مشكلتي الأساسية هي التفكير في غداء سريع ومناسب أفكر من أول ما نخلص الغدا ايش هطبخ في غداء بكرة اظن نفس مشكلتي موجودة عند كل البنات عشان كدا ياريت كل بنت تكتب لنا أفكار غداهم اليوم عشان نستفيد وتجي لنا أفكار منوعة نطبخها للغدا بس ياريت اللي تكتب اسم أكلة تحط معها الوصفة والمكونات باختصار عشان نسهل على بعض ونتخلص من المشكلة اليومية في التفكير في الغداء

سلوى امام

المنوفيه

guest
12 تعليقات
الأكثر تصويتاً
الأحدث الأقدم
Inline Feedbacks
View all comments
ضحى
ضحى

أسهل طبخة ممكن نعملها كل يوم وبأشكال وطرق مفيش لها نهاية وكمان كل الناس بتحبها هي المكرونة
المكرونة حل سريع جدًا ومفيد لأي حد عايز يعمل غداء سريع ومش يفكر كتير هيعمل غدا ايه النهاردة
مكرونة حمرا
مكرونة باللحم المفروم
مكرونة مع بانيه
مكرونة بصوص أبيض
مكرونة مع بطاطس مقلية
مكرونة مع خضار مسلوق
مكرونة بقطع الدجاج
مكرونة مع كور اللحم
مكرونة بالباشاميل
مكرونة بصوص الجزر
مكرونة بالسمسم
مكرونة صيني
مكرونة حمرا مع الدجاج
مكرونة بالخضار والبشاميل

وفِي وصفات مكرونة سهلة ولا نهاية لها

طبعا وفِي أشكال مختلفة اصلا للمكرونة

التعليق دا في حب المكرونة ❤️

سميرة
سميرة

الخضار من أسرع الحجات اللي بتتعمل بصراحة وبتننجز معايا وبيكون طعمها حلو
النهاردة سلقت كيس خضار بسلة على جزر وحطيت عليهم الصلصة والملح والبهرات ومقدار المية ومرقة ومقدار شوربة
وكنت طابخة قبل كدا قطع لحمة في الفريزر طلعتها من الصبح بدري تفك
وبعدين ضفتها للخضار وسبتهم على النار مع بعض شوية
وعملت معاهم رز بالشعرية

نرمين
نرمين

اشتريت دجاج حجم صغير وقطعت الدجاجة ٨ قطع وتبلته حوالي ١٢ ساعة في خل وليمون وبهارات مشكلة وزبادي وملح
وعندنا شواية بالكهرباء .. عملنا جلسة عائلية وشوينا عليها مع خبز وبيبسي وسلطة طحينة

مي
مي

فتة شاورما الدجاج
سهلة جدا وسريعة وطعمها لذيذ
عملتها بصدور الدجاج في البيت مع خبز محمص

بسمة
بسمة

تغدينا اليوم برجر لحم
كنت عاملة البرجر في البيت بخلطة اللحم المفروم
وكنت مستعلجة اليوم للغدا فاشتريت معي خبز للبرجر وقليته في الزيت مع خس وبطاطس وبيض مقلي وكاتشب ومايونيز
وعجب الأولاد كثير

صابرين
صابرين

السمك المقلي مع رز وسلطة بصراحة حل سريع جدا معيا
يعني هتجيبي السمك متنظف جاهز وممكن كمان يكون بالحشوة او تحشيه في البيت بعد الغسل بالماء والدقيق وبعدين في الزيت لحد ما يستوي
وتجهزي معاه رز سواء ابيض او احمر مع سلطة خضراء وممكن طيحينة معاه وبعدين كوباية شاي وبالهنا والعافية ^_^

شهد
شهد

مكرونة وبانيه و بطاطس

صفية
صفية

عملت اليوم مسقعة وبيض مقلي وجبن
المسقعة باذنجان بقطعه واحط عليه ملح واسيبه ينزل ميته وبعدين اقليه
بطاطس مكعبات اقليها في زيت
توم مفروم في شوية زيت مع طماطميتين مكعبات يتسبكو سوا وعليهم فلفل متقطع ومعلقتين صلصة وملح وفلفل اسود وبصل بودرة وبعدين احط عليهم البطاطس والباذنجان واقلب تقليبتين

زهرة
زهرة

اليوم كان الغدا ورق عنب وكفتة مقلية وشوربة شعرية
الورق العنب معروف
الكفتة نص كيلو لحم مفروم وبقدونس مفروم وملح وبهارات وبصلة مفرومة وكله عالعجان او المفرمة عجنتهم لغاية ما بقو عجينة وكورتهم وقليتهم في الزيت

مريم
مريم

ثبتي أنواع أكل معينة في الأسبوع عشان ما تحتاري
يعني مثلا السب والأربعاء فراخ
الاثنين والخميس لحمة
الأحد سمك
الثلاثاء نواشف
عشان لما تفكري تعملي غدا ايه في أي يوم تكوني محددة النوع من البداية
بعدين تشوفي المكونات الموجودة في البيت وتعملي منها الأكل

زينب
زينب

خلي دائما في لحمة مفرومة او دجاج مفروم في البيت
هتقدري بيهم تعملي حجات مختلفة وجديدة
يعني بشاميل أو مكرونة بالخضار والمفروم أو حتى سندوتشات وممكن فطاير أو بيتزا
وممكن كمان تعملي بيها برجر في الفريزر او كفتة لحم أو كفتة رز
اللحم والدجاج المفروم فعلا بتقدري تطلعي منهم أفكار كتير جميلة

نرجس
نرجس

أسهل أكلة وأسرع أكلة والأكلة المحبوبة للجميع هي مكرونة بصلصة حمراء ومعاها بانية أو بطاطس وبيض أو لحمة مفرومة ?

أضيفي مناقشة جديدة

12
0
شاركي بتعليق جديد على هذه المناقشةx
()
x