أماكن بيع الخمار القاهرة
ما هي أماكن بيع أنواع قماش الخمار في القاهرة
عايزة اشتري خمار ماليزي من القاهرة حد يعرف أماكن بيع أنواع مختلفة من قماش الخمار او خياط متميز يفصل الخمار في القاهرة وشكرا
أمنية
مناقشات أخرى
أضيفي مناقشة جديدة
عاوزه اعرف قمشات حلوه للخمارات وتكون مبتبقعش ومتكونش شفافه ولا بتلزق بلييز
بقوا موجودين في محلات الحجابات هتلاقيهم معلقينهم برا أو جوه لو دخلتي وسألتيهم احتمال كبير تلاقي عندهم لو عايزة جاهز يعني ..
لو مش عايزة وعايزة اللي هوو تفصيل وده بيكون أحسن عشان بتختاري نوع القماش زي ما إنتِ عايزة روحي الغورية في شارع الأزهر ، هتلاقي هناك قماش كتير قُصي متر ونص لو عايزاه طويل ومتر ربع لو عايزاه زي الطرحة يعني لا طويل ولا قُصير ..
وهتلاقي واحد اسمه عّم وليد اللي بيسرفل برضه في الغورية لو سألتي أي حد هيقول لك عليه ، بتروحي له تدي له القماش وهو هيعمله لك مش هتحتاجي تجيب نموذج ولا حاجة ؟ لأنه هو بس بيشتغل في سرفلة الخمارات ..
انزلي التربيعه في الازهر وهتلاقي كل الالوان اللي انتي عاوزاها وهتلاقي الناس بتسرفله وتظبطه ع الطول اللي انت عاوزاه
انا بنزل اجيب كل الخمره بتاعتي والقماش من التربيعه في الازهر
عايزه اعرف مكان كويس بيبيع الخمار الماليزي بكل الالوان وانواع القماش بس يكون قريب من مدينه نصر
الازهي طبعا احلي اقماش وكل الالوان والانواع
بصي في صفحات كتيرة بس ما أنصحكيش تشتري الخمار أونلاين
في وسط البلد والعتبة
وممكن تلاقي في المحلات اللي بتبيع هدوم زي اسلامي
دا غير الغورية تجيبي قماش الخمار وتفصليه
عايزة اشتغل فى الخمار الماليزى اجيب منين
عاوزه خمار اندونيسي القي فين
اماكن بتبيع خمارات مشجره وساده جمله
من الازهر وممكن تلاقي محلات الطرح دلوقت بيبقي عندها جاهز
الاحسن تجيبي قماش وتفصليه
هاتي قماش من شارع الازهر او من اي محل قماش
ووديه عند الخياط يعمله
ممكن تاخدي معاكي خمار من واحدة صاحبتك تكوني حابة تعملي زية بالظبط
وتخلي محل القماش يقص لك قماش على قد الخمار دا الخامة واللون اللي انتي تختاريه
وبعدين تودي القماش وخمار صاحبتك للخياط عشان يعمل زيه