أيش روتينكم يوم الجمعة؟

احب هاليوم احسه روحانية جميلة و روتين مختلف بعد مرور ٦ ايام ب روتين معتاد و مكرر? قولوا لنا روتينكم من اول م تصحون ?⏰ للبيت و للاطفال و لزوجك و لنفسك و لأهلك لو كنتي عزباء ♥️

ام دودي

29 سنه

guest
5 تعليقات
الأكثر تصويتاً
الأحدث الأقدم
Inline Feedbacks
View all comments
بحب اولادي
بحب اولادي

أقوم الصبح افطر لأولادي واستلمهم مذاكره وع الساعه عشره اجهز البيتزا والقسمات والتمر وشكولاتات والقهوه وبعد الصلاه نكمل مذاكرة الأولاد والله يعين وبعدها نشوي انا واولادي. او نطلع المطعم ع حسب المزاج والعصر نطلع نتمشى الحديقه او عند اهلي وتبخر البيت الظهر

بسمه
بسمه

أناا روتيني يوم الجمعة أقووم بدري مرّه تقريباً ٨ ونص.. أكوي ثوب بعلولي ?❤️❤️.. وأجهز القهوه شي أساسي وأحط التمر لازم فرض والا تصير علووم ماتسرّ أبداً وأخليهم بالصااله طبعاً.. وأجهز الفطور أسوي خبز وفول ونواشف او عريكة إذا هو طلب قبل بيوم.. وإذا قاام من النوم ع الساعه ١١ يتروّش ويفطر والبوز قدامه مترين حقّ حرّة النوم?? وإذا راح المسجد بخرّت البيت وشغلت قنااة السعوديه ع الحرم وأدخل اتروّش وأرتب أطفاالي الحلوين?❤️❤️.. طبعاً فيني عااده انا أعتبرها جميلة جداً إن اذا كنت بطلع مثلا يوم الجمعه أكون كااوية الملابس قبل بيوم ومطلعه كل شي ع التسريحة.. غداء اغلب شي من برا واحياناً مانتغدّى مو لازم يعني.. بعد المغرب أنا أنطلق للّي أبغى وهو ينطلق ويسابق الريح للمخيّم?.. ومانقابل بعضنا يوم الجمعه الا ظهر السبت?.. والحمدلله الحيااة ماشيه..

رويدا
رويدا

يوم الجمعه عند اهله غدا والحضور ضروري الا لعذر قاهر .. وروحانية العصر وساعة الاجابة تروح عليا مع السواليف والبزارين .. والمغرب والعشاء نجهز القهوى والحلا .. هوا حلو وتغيير .. والحمدلله ع النعمة

سما
سما

انا الجمعه ما اطبخ اخذ احازه فزوجي يطبخ او يجيب من بره وبعدها يا اطلع مع اهلي يا اروح لهم يا اكمل اليوم في البيت زرجي مايحب الطلعات في الزحمه نادر نادر نطلع معاه

عاشقة الجنه
عاشقة الجنه

اصحى الصباح واسوي شغلي اكوي ثياب زوجي وعيالي وابخر البيت بعد الصلاه واسوي القهوه وبعدها اتحمم ونتقهوى وبعدها نفطر ولاجاء العصر طلعنا نتمشى ونتعشى برى ونرجع وبس

أضيفي مناقشة جديدة

    5
    0
    شاركي بتعليق جديد على هذه المناقشةx
    ()
    x