الزواج من أعمي

عمتي الله يجزاكم خير عمرها فوق الثلاتين وتقدملها واحد اعمى وهي مره متردده ابي منكم تعطوني اراءكم يعني وش ممكن تواجه من صعوبااات وش السلبيات وش الايجابياات

سما

23 سنه

guest
4 تعليقات
الأكثر تصويتاً
الأحدث الأقدم
Inline Feedbacks
View all comments
عاشقة الجنه
عاشقة الجنه

حسب الرجال يعني اخلاقه وسمعته ودينه وهل له مصدر خاص في ناس سبحان الله الله جعل له من عماه نور وفرفشه وعشريه وروح حلوه وفي ناس العكس هاذا شي والشي الثاني هل هي تقدر على العيش بهاذي الطريقه عني تتخيل كل التفاصيل عمره ما يعلق عمره ماراح يقول لبسك حلو انتي حلوه ما يفرق تتصلح ولا ما تتصلح يعن عشن ما تظلمه معاها وتندم وتستخيييييييييييييييييييير

سما
سما

طيب هو يشتغل عنده مصدر دخل عنده بيت امووره شلون يدخل ويطلع ولا كله مكتئب ومعتزل الناس عمتك تشتغل اعمى عن اعمى يفرق فيه عميان لكن يشتغل ويروح ويجي وله اصدقاء واجتماعي وفيه منهم نكديين ومتشائمين وبيزهقها بعيشتها فيه اموور كثيرة لازم تاخذها بعين الاعتبار

علياء
علياء

اختي تقدم لها واحد اعمي كان ماشاء الله عليه سمعته زينه وولد ناس عمره بالثلاثين وشكله مقبول وفوق هذا كان له دخل خاص فيه وشاورتنا تقبل ولا ترفضه وكان اكثر خواتي يقولون لها خوذيه ولاحظت وقتها ان فكرة الزواج من الاعمى مقبوله عند كثير من الناس انا قلت لها استخيري …..واقولك نفس الشي خليها تستخير والله يوفقها

صفا
صفا

حبيبتي الخيرة فيما اختاره الله .. لكن أنا وجهة نظري تبقى بدون زواج ولاتتزوج أعمى صح كل شي بيد ربي لكن الوحدة تبي تتزوج واحد يحميها من كل شي مو هي تقوم فيه تبي رجال تعتمد عليه ويكون سند لها بالدنيا صح فيما معنى الحديث ( من فقد حبيبتيه فله الجنة ) حبيبتيه = عينيه لكن برضو كل وحدة من حقها تشوف سعادتها .. هذي وجهة نظري أتمنى تتقبلها .

أضيفي مناقشة جديدة

    4
    0
    شاركي بتعليق جديد على هذه المناقشةx
    ()
    x