الكنافه بالكريم شانتيه

الكنافه بالكريم شانتيه بتتعمل ازاي بطريقة سهلة ؟

الكنافه بالكريم شانتيه بتتعمل ازاي يا بنات عندنا كنافة كانت في الفريزر وبفكر اعملها بالكريم شانتيه بس مش عارفة الرصفة ازاي ممكن تقولولي وصفاتكو الحلوة ؟

هالة

24 سنة

guest
9 تعليقات
الأكثر تصويتاً
الأحدث الأقدم
Inline Feedbacks
View all comments
سيلا
سيلا

حمصيها وحطيها ف كاسات واسقيها بشربات بس مش كتير
واعملي طبقة كنافة وطبقة كريمة او كراميل او شيكولاتة 😍

سمسمة
سمسمة

اضربيها ف الكبة عشان تنعم وحمريها بسمنه او زبده وبعديها حطيها ف كاسات او اضغطيها ف صنيه واسقيها شربات وضيفي الكريم شانتيه وزيني بأي حاجه عندك ⁦وممكن تعملي طبقة وطبقة بس تسقي الكنافة من قبلها❤️⁩

عائشة
عائشة

افركيها و هيا مجمده كدا هتبقى باودر، رشي عليها شوية سكر باودر و حته سمنه سايحه و قلبيها و حطي اول طبقه في صينيه و اضغطي عليها و رشي عليها معلقة سمنه سايحه، و حطي طبقة كريم شانتية مع كريمه و سكر و لو عندك فاكهه كمان حطيها، و بعدين حطي طبقة كنافه تانيه بس اضغطي بالراحه عشان طبقة الكريم شانتيه بالفاكهه متطلعش، و عالوش بردو معلقه سمنه سايحه وزعيها كدا، و دخليها الفرن على درجة حرارة متوسطه و خدي بالك عليها لما تحمر من تحت ولعليها الشوايه ، و لما تطلع اسقيها بالشربات

فرحة
فرحة

*افركيها وحمريها ف زيت وسمنه ولما تاخد لون انزلي عليها بمعلقتين عسل أو شربات كنافه ورصيها طبقه كنافه طبقه مانجا وطبقه كريم شانيه ع حسب حجم الكاسات وكرري وع الوش كريم شانيه
***أو افركيها عادي زي الكنافه العادية وحطي سكر وسمنه وقلبيها كويس وفي فنجان أو صنيه الكب كيك حطيها بس ادهني الصنيه الأول سمنه واضغطي عليها بفنجان تعمل تجويف كدا وسويها عادي تخرج حطي عليها عسل وبعدين رصيها وحطي كريم شانيه وفاكهه بتبقى جميله جدا

ام علي
ام علي

لو عندك واحدة مانجة اعمليها بيوريه واضربيها ع الكريمة وعليهم علبة زبادى وطبقة كنافة وطبقة كريمة وع الوش مانجو هتبقى كنافة بالمانجو

نهلة
نهلة

فتفتيها حلو اوووي وحمريها بسمنه واسقيها شربات لو هي سخنه شربات بارد والعكس
والكريم شانتيه بقي اعمليه واستني الكنافه تبرد
و رصي طبقه كنافه وطبقه كريم شانتيه وحطي فاكهه لو حابه وحطي من فوق كنافه برده والف هنا

ولاء
ولاء

طلعيها من الفريزر وافركيها بايدك جامد لما تنعم ، او ممكن تحطيها ف الكبه

حطي عليها معلقتين تلاته سمنه و ع النار قلبيها باستمرار لما تحمر حلو اوى ، لما تتحمر ضيفي عليها معلقتين تلاته شربات او عسل نحل

اعملي الكريم شانتيه بس يكون سميك عن المعتاد

بولات بقا وحطي طبقه كنافه وطبقه كريمه

تقى
تقى

فتفتيها خالص وحمريها في زبدة أو سمنة في طاسة لحد ما تأخد لون دهبي واسقيها بعسل خفيف وحضري الكريمة عادي
وفي كاسات أو بولات أو بايركس حطي طبقة كنافة وطبقة كريمة طبقات وهكذا
أو فيه طريقة تانية اكتبي على يوتيوب طريقة لف الكنافة كونو ولفيها ودخليها الفرن تتحمر واسقيها برضو بالعسل واحشيها كل كنافة بالكريمة المتحضرة برضو

ريم
ريم

فتفتيها وحطي عليها سمنه وحمريها عالبوتوحاز او فرديها ع صنيه وشغلي الشوايه وقلبيها كل شويه عشان بتاخد لون بسرعه واما تطلع حطي عليها شربات يكون ساقع عشان تبقي طريه وحطي طبقه كنافه وطبقه كريمه لحد ماتخلصي وعالوش مانحه او فراوله او مكسرات بتبقي قمر😌

أضيفي مناقشة جديدة

    9
    0
    شاركي بتعليق جديد على هذه المناقشةx
    ()
    x