تحبيب الاطفال في حفظ القران

كيفية تحبيب الاطفال في حفظ القران الكريم في سن صغير

ممكن تقولوا كيفية تحبيب الاطفال في حفظ القران الكريم ابني عنده سنتين ونص وعندي بنت اربع سنين ازاي اخليهم يحفظوا القران ويتعلقوا به لحد ما ربنا يكرمهم ويتمو حفظه قولوا لي تجاربكم لو سمحتم

مريم

الجيزة

guest
7 تعليقات
الأكثر تصويتاً
الأحدث الأقدم
Inline Feedbacks
View all comments
كارما
كارما

اهم حاجه المتابعه وحفزيهم دايما بالجوايز والرحلات وان شاء الله يكونوا من اهل القران

ساره
ساره

ما شاء الله ربنا يبارك لك فيهم ويجعلهم من اهل القران بس تابعي معاهم مع شيخ كويس اول ما يحبوه ويتقبلوا منه هتلاقيهم ماشيين معاه دي حاجه تاني حاجه بالترغيب دايما وفهيمهم ان حفظ القران واجب علينا مش زياده يعني لازم يحفظوه وهتلاقيهم ماشيين فيه عشان يوصوا للنهايه

مروة
مروة

فهمي ابنك قصة القرآن :heart: من أول “اقرأ” لحد جمع المصاحف في عهد عثمان، وخليها حدوتة طويلة مش مرة واحدة تتقال—-هنقول الحدوتة قبل المقرأة بتاعتنا.

عبير
عبير

ما تعاقبيش على التأخير أو التقصير أحيانا—لما يقصر ما تقوليلوش “إنت مقصر في حق القرآن”… لأ قوليله “إنت مقصر في حق نفسك” ببعدك عن القرآن..

خديجة
خديجة

هاتيلهم برنامج عدنان معلم القرآن من جوجل بلاي على جهاز البيت أو جهازك— دة يحفظوا معاه جزء عم فقط و يلعبوا من وقت للتاني عليه، كمكافأة لو قعدنا قعدة قرآن النهاردة.

فاطمه
فاطمه

هنبدأ بالمصحف المعلم لصديق المنشاوي أو عفاسي أو الحصري، جزء عم طبعا ومن آخره، يعني قصار السور.. أنا مثلا عندي كاسيت من بتوع زمان دول، بشغل عليه الشريط لولادي لحد ما يقف وأقلبه وهكذا، الشريط الواحد عليه نص جزء عم، لحد ما حفظوه، قمت دخلت على الشريط التاني لحد ما خلصوا الجزء.. السماع الكتير بيثبت الحفظ وبيخليهم يحفظوا جديد كمان.. زي ما بيحفظوا الأناشيد بسهولة بكتر ترديدها.. و زي ما حفظوا الفاتحة بكتر سماعها جهرا مننا في الصلاة.. المهم القرآن اللي هنحفظه يفضل شغال طول الليل لحد ما تقفليه قبل ما تنامي، وممكن أوقات كتير في اليوم برضو بس نوعي بينه وبين الكرتونات والأناشيد لو خايفة يزهقوا لا سمح الله.

نرمين
نرمين

شغليلهم كل يوم في أوضتهم عند وقت النوم قرآن— أنا بدأت مع ولادي انتظام في السماع من سن سنة تقريبا.. طول اليوم و ووقت النوم مشغلاه.. لدرجة عند وقت النوم، ابني آخر العنقود بينط على سريره و يقول “شجل أوكان”–يعني شغلي القرآن 😀 ،يعني ابنك على ما تعوديه

أضيفي مناقشة جديدة

7
0
شاركي بتعليق جديد على هذه المناقشةx
()
x