تنظيف المنزل بطريقة سهله للحامل

انا حامل فى نص السابع وان شاء الل هاولد اول التاسع قيصرى عندى طفلين 2 و5 سنين عاوزة انضف البيت وقلت ابدا بدرى واظبط الامور لانى تعبانه ومجهودى على ادى جدااااااااااااااااااا ممكن تساعدونى بالنصيحه مع العلم لسه ماجهزتش حاجه البيبى ولا اى حاجه طلعتها من هدوم الشتا والبيت كله مقلوب فوق دماغى

ريهام

30 سنه

guest
2 تعليقات
الأكثر تصويتاً
الأحدث الأقدم
Inline Feedbacks
View all comments
هدير
هدير

ابدأي بالحاجات اللي بتتعمل كل مده طويله يعني السجاد والستاير مثلا ونضفي السقف رتبي الدواليب لمعي النجف اغسلي المفارش بتاعه السفره او لو خداديات الركنه او الانتريه بيتفكوا اغسليهم اغسلي الشبابيك،حضري اكل يتشال ف الفريزر خضار ولحمه مفرومه معصجه وممكن تحضري لحمه للحواوشي وتطلعيها يادوب تتفرد ف العيش وبطاطس اسلقيها نص سلقه مع خل بتطلعيها تقليها بتبقي مقرمشه واحلي من الفريش وممكن تتبلي بانيه وتخليه ف الفريزر ف الاكل اكيد انتي عارفه وشنطتك وشنطه البيبي جهزيها من دلوقتي احسن عشان كل شويه هتفتكري حاجه واخر ايام هتكون كل حاجه عندك مغسوله وترتبه يادوب تمسحي الشقه وتفرشي وخلاص ربنا يقومك بالسلامه وانا بعدك ان شاء الله

ثناء
ثناء

ربنا يقومك بالسلامة ابداى واحدة واحدة لما توصلى لنص التامن كل يوم حاجة مع شغل البيت يعنى يومين تنضيف تحت السراير تلات ايام المطبخ قسميه واعمليه بضمير من ترتيب وتغيير المفارش وغسيل التلاجة والتربو والشفاط والحيطان وامسحى ضلف المطبخ جوة وبرة وارمى اى حاجة مالهاش لازمة وحطى اى حاجة ف برطمانات وعيدى ترتيب المطبخ و3 ايام تحضير خزين للبيت اعملى صلصة وفرزيها ولحمة معصجة وكفتة رز وكفتة لحمة وابشرى كمية بصل ودبليها بزيت وحطيها ف علبة وتوم برضو فرزيه زى البصل وشوفى الخضار ال يتخزن عندك دلوقتى البسلة والقلقاس وجهزى لحمة عالطبيخ وفراخ اغسليها وانقعيها ف لمون وملح وخل ومية وسيبيها شوية منقوعة وتانى يوم اشطفيها وصفيها وفرزيها ولو تعرفى تعملى صينية مكرونة نية وحلة محشى جهزيها وسويها وحطيها ف الفريزر وابقى طلعيها حطيها عالشياطة على نار هادية تسخن بتبقى زى الطازة وشوفى ايه ال ناقص ف خزين البيت وحضرى حلبة ومشروبات وامسكى الدواليب ف يوم ويوم تانى الحمام واخر يوم امسكى الشقة اكنسيها وامسحيها وافرشيها وقبل الولادة بيومين تلاتة جهزى حاجتك وشنطة النونو وظبطى نفسك عالولادة وربنا يقومك بالف سلامة وييسرلك ولادتك

أضيفي مناقشة جديدة

2
0
شاركي بتعليق جديد على هذه المناقشةx
()
x