ثانوي عام تمريض

تنصحوني أدخل ثانوي عام ولا تمريض لأني حيرانة

محتارة يا بنات بين ثانوي عام وتمريض انا نجحت وعديت تالتة اعدادي و مجموعي كويس هل ادخل ثانوي عام ولا ثانوي تمريض انهي الافضل في رايكم

سارة

guest
48 تعليقات
الأكثر تصويتاً
الأحدث الأقدم
Inline Feedbacks
View all comments
عادل
عادل

انا في الصف الثالث الاعدادي متفوق جدا ودائما الاول علي مدرستي والحمدلله بعشق الكيمياء والاحياء وبتمني من كل قلبي اكون دكتور لكن الثانويه العامه بقت نيله فعلا! بقت صعبه جدا وهدفها تعذيب الطلاب والضغط عليهم بكل الطرق فلوس، دروس وغيرهم علشان كده بفكر ادخل تمريض عسكري خصوصا اني باذن الله عاوز اكون الاول علي محافظتي ادعولي وانصحوني انتم ذي اخواتي اعمل ايه

Malak
Malak

انا في تالته اعدادي السنه دي واختي في تمريض عادي خمس سنين ف انا كنت محتاره جدا ادخل تمريض ولا ثانوي خصوصا ان بابا بيقولي ادخل تمريض انا متفوقه الي حد ما بس كنت عايزه بس اقول ان كل الناس فاكره ان ثانوي عامه صعبههه جدا وندخل اي حاجه غيرها وبيقولوا ادخلوا تمريض احسن واحلي مستقبلا وأسهل في الدراسه بس الحقيقي ان تمريض مش ساهله خااالص زي كل الناس مافكره اختي لما كانت في سنه تانيه تمريض كان عندها 25ماده وكل ماده واقسم بالله كتاب تخن البطيخه وبالنسبه لفلوس الدروس فتمريض كلها كورسات مفهاش دروس اصلا وانتو طبعا عارفين تمن الكورس كام ف انا مش جايه اقولك ادخلي ثانوي ولا تمريض انا عايزه اقول ان كل حاجه فيها الحلو وفيها الوحش ومحدش يقدر يفيدك بقرار ذي دا الا نفسك انتي ومتخافوش من ثانوي ذاكروا وربنا يوفقكم ان شاء الله

ايه
ايه

انا كمان محتاره ومش عارف اعمل ايه بجد انا تعبت وانا كمان حبه ثانوي عام بس في مشكلة انا ضعيفه في اللغة الانجليزية حصلت معايا مشاكل من أصحابي خلتني اتخنقت من الدنيا كلها مكنتش بذاكر بس بعديها فقت لنفسي وقولت مافيش حاجه هتنفعني غير تعليمي وانا حبه ثانوي عام بس خايفه وعندي استعداد اسهر واذاكر علشان ارفع راسي أدام أصحابي غير انا حبه ثانوي عام وعايز ه اروح جامعة القاهرة ساعدوووووني ارجوكم

سمر
سمر

يا اصحابي انا في تالته اعدادي وكنت جايبه مجموع فى الترم الاول132من140ومش عارفه ادخل ايه متردده لأن فيه ناسعمالين يقولولى متدخليش كزا ادخلي حاجه تانيه فأنا عايزاكم تقلولى ايه الافضل التمريض ولا الثانوي ومميزات كل واحد وعيوبهم ارجوكم ساعدوني

مها
مها

انا خايفة ادخل معرفش امشى فيه خاصة انه معدش علمى علوم وعلمى رياضة بقى الاتنين مع بعض وانا مبحبش الرياضة اعمل اية

بنوتة
بنوتة

بصي يا عسل انا هعتبرك زي اختي وتقولك رأيي بصراحه انا مش حابه فكره التمريض خااااااالص بس برده مش حابه المذاكره التقيله اوي اللي في الثانويه فبصراحه انا كمان محتاره زيك ب سخقولك وجهه نظري في التمريض بصي انت لو بقيت ممرضه ممكن تشتغل عند دكتوره أو دكتور يصادف أن الدكتوره أو الدكتور ده كانوا زمايلك فتبقى زمميلتك دكتوره وانتي بتشتغل تحت ايدها وتنفذلها اوامرها وكمان بتسهري في المستشفى اما انتي لو حابه تبقى حاجه تدخلي ثانوي وتحيبي أعلى كليه وتذاكري وتجتهدي لأن كليتك هي الي هتعرفعي راسك بيها وترفعي رأس عيلتك برده بيها فعشان كده مرشحش التمريض 😊😊

ضياء
ضياء

عام طبعا
ليه تمريض ليه ماتدخلشي عام وتكوني الدكتوره

فاطمه
فاطمه

اناا زيك بظبط محتارة جامد ولاد خالتى فى ثانوى عام وكلهم بيقولولى لو الزمن يرجع بيناا مش هندخل ثانوى عام تعب ودروس حياتك كلها عبارة عن مذاكرة وبس مفيش خروج مفيش راحه ابدا ده غير كمية الفلوس اللي هتدفعيهاا بس انا شايفه ان صوابع ايدى مش زى بعضهاا اناا ممكن ادخل واذاكر وانجح حرفياا اناا حالتى زفت بسبب الموضوع ده مش عارفه ادخل ايه خايفه اندم بذات ان مفيش حد دخلهاا ومندمش اخوياا دخلهاا ومخلص جاامعه وتعليم على الفاضى وبنات خالتو بيحاولوا يقنعونى وكلهم شايفين ان التمريض افضل مش عارفه اعمل ايه اسمع كلامهم بجد انا تعبت 🙂😞

بنوتة
بنوتة

ثانوية عامة صعبة جدااااا اولا ضغط ومصاريف وتعب عليكم اعتقد تمريض افضل حاجة ولو تمريض عسكرى اجمل بكتير

بنوتة
بنوتة

تمريض احسن واجمل وربنااا يوفق الجميع

سجدة
سجدة

انت بتحبي مواد ايه أكثر
مجموعك كويس في مواد إيه أكثر وأسهل عليك
انت ناوية مستقبلك وحياتك بعد كدا تكون في مجال ايه
اسألي بنات اكبر منك في ثانوي وكمان بنات بتدرس في التخصص وبنات متخرجة

اشكيناز
اشكيناز

شكرا

اشكيناز
اشكيناز

شكرا ليكم .

مي محمد محمود
مي محمد محمود

أنا مامتي بتقولي تمريض عسكري بس انا كان حلمي إني أكون دكتورة وخايفة لملاقيش فرصة شغل بعد الكلية وكده ومحتارة بجد

تيتوو
تيتوو

ادخلي تمريض وتتخرجي بوظيفه افضل
🤔🤔

بنوتة
بنوتة

وانا كمان

هدى
هدى

تمريض
مستقبلها احسن ولو تقدرى تمريض عسكرى متتردديش
ابعدى عن الثانوى العام عذااااب والله مصاريف وضغط

mostafa
mostafa

انا في تالتة اعدادي وجايب 264 تنصحوني اخش ايه عشان انا خايف من الثانوية العامة

دعاء
دعاء

يا جماعه مفيش احلى من الثانوي صدقوني حنا نعمل اللي علينا وتذاكر كويس ونسيب الباقي على ربنا
واكيد ربنا حيدينا الاحسن وطول مااحنا واثقين الظن بي ربنا وراضيين بالحيدهولنا اكييييد حيدينا الاحسن انشاء الله ومفيهاش حاجه لما نتعب شويه علشان توصل الى احنا عوزينه
وصدقوني على قد تعبنا ربنا حيدينا
وانشاء حنوصل لاحلامنا

دعاء
دعاء

السلام عليكم
لو سمحتوا اي احسن التمريض ولا الثانوي العام انا حلمي ابقي دكتوره وخايفه ادخل ثانوي مقدرش حقق ده لان الثانوي بقى ندرس علمى علوم وعلمي رياضه وناس كتير نصحتني ادخل تمريض عسكري بس انا محتاره وفى نفس الوقت خايفه منه لأنه حاجه جديده
تنصحوني بي ايه ارجو الرد

بنوتة
بنوتة

أنا عندى سؤال مهم وأرجو الرد
ممكن الطالب يلتحق بالثانوية العامة المنازل لو دخل تمريض مثلا
مع العلم ان مجموع الطالب كبير
بحيث يدرس تمريض انتظام وثانوية عام منازل
ارجو الرد ولكم جزيل الشكر

ميرو
ميرو

انا متفوقه وبحب العلوم وفروعها والانجليزي والرياضه انا برضوا محتاره ادخل ايه ناس كتير قالولي ادخل تمريض وانا كنت متحمسة لثانوي بس حاليا انا محبطه وفعلا مش عارفه ارضي مين ارضي اللي حواليا ولا ارضي نفسى لو سمحتوا حد يديني نصيحه

بنوتة
بنوتة

الناس اللى مفكره ان التمريض حاجه مش كويسه ياريت ما تفكرش بالاسلوب ده لان التمريض دلوقتى احسن من ثانوى ومدرسين قالولى كده وناس تانيه عمتا انا قررت ادخل تمريض ودلوقتى الثانوى مفيش تعيين ومصاريف وهلاك كتير اختى كانت فى ثانوى وكان مستواها كويس لكن جابت كليه فى الاخر مش كويسه

هند
هند

وانا كمان انصحوني ادخل ثانوي او تمريض انا محتارح جدا جدا والله

Last edited 1 شهر by هند
د/ سمر
د/ سمر

في ايه يجماعة هما اللى دخلو ثانوى وبقو دكاترة ومهندسين ومدرسين وغيره وغيره دول ملقيوش شغل ولا مفرحوش يوم نتيجتهم هما ولا مصرفوش فلوس وتعبو اكيد طبعا مفيش حاجة دلوقتى ببلاش اتعب تلاقى حاجة تشرفك وتعملك قيمة وتخلى الناس تشتغل تحت ايدك مش العكس انت مش قليل ومفيش حد احسن منك

اشكيناز
اشكيناز

انا طالبه في الصف الثاني الاعدادي . حلمي اني ابقي سفيره.بس محتاره ادخل ثانوي عام ولا تمريض .انا خايفه ادخل ثانوي معرفش اجيب مجموع وكمان مصاريف الدروس وامكان الدروس بعيده عني .البعض قالي ادخلي تمريض لأن لها مستقبل وفرصه عمل .وكمان مدرسه التمريض قريبه من مدرستي الاعدادي .والبعض نصاحني اني ادخل ثانويه عامه لاني متفوقه في دراستي .من ابتدائي بطلع الأولي علي المدرسه .كمان في المدرسه لما المدرسين عرفوا اني ادخل تمريض .قالولي لا. تنصحوني بليز

ايمان عطيه
ايمان عطيه

بصوا يا بنات الثانوية العامة ممكن تتعبكم لكن افضل بصوا بتحبى تركية توكتوك ب3جنيه أو مرسيدس 100,000جنيه افضل ثانوية لانكم لو دخلتم الثانوية تطلعوا حاجة مهمة فى المجتمع وبعدين تبصوا للبنات فى التمريض تقولى لو دخلت تمريض كان حلى عملت ايه ده كل حاجة عندى ياريت دخدوا بكلام الأغلب شكرا لكم

حبيبه
حبيبه

طب انا محتاره اخش تمريض وله ثانوي عام وبعدين سنتين تمريض عسكري اي رايكو

أضيفي مناقشة جديدة

    48
    0
    شاركي بتعليق جديد على هذه المناقشةx
    ()
    x