خطيبي المواسم

لازم خطيبي يجيب لي المواسم فترة الخطوبة؟

بالنسبة لموضوع المواسم وقت الخطوبة أنا خطيبي قال لبابا من الأول في كلامهم مع بعض ان هو هيجبلي حاجت المواسم بس هو دلوقتي بيجهز الشقة والعفش ومش هيقدر وأنا عن نفسي مش فارق معايا المواسم والحاجت دي بس بابا بيقول هو قال كلمه وأنا مستني يعمل بيها طيب لو مقدرش يعمل كدا إنتو اي رايكو في المواسم والكلام دا ؟

هدير

مصر

guest
5 تعليقات
الأكثر تصويتاً
الأحدث الأقدم
Inline Feedbacks
View all comments
ايمان
ايمان

تصدقى بالله فى الخطوبة جوزى ده ماحبليش ولا موسم ولا حتى هدية أقسم بالله طول خطوبتنا ماطلبت منه حاجة وهو مش بخيل بالعكس بس انا عينى مليانه ومش بيفرق معايا لكن بعد الجواز الوضع اتغير كبرى دماغك بلا مواسم الحكاية مش مستحملة ولما تتجوزو أبقى اطلبى الل انتى عايزاه

سمسم
سمسم

هو اللي ورط نفسه
هي عموما يابنت الناس الفكره مش ف الهدايا ولا المواسم كلها حاجات كده كده رريحاله وابوكي هيردها بعد الجواز
بس الفكره ان الراجل بيتربط من لسانه وطالما خلف حاجه يبقي هيخلف حاجات كتير بعد كده
الحاج ابوكي معاه حق

خوخه
خوخه

المفروض ابوكي هو اللي كان يعفيه من مسألة المواسم دي وكان قاله كفايه عليك يا ابني تشطيب شقتك وعفشك ايه ابهات الزمن اللي بقو مستنين من العريس دول ?

sara
sara

لا يكلف الله نفسا الا وسعها ? بس هو قال كلمه ل باباكي يبقي لازم يكون قدها والا هينزل من نظر باباكي واي حاجه بعد كده هيقولها مش هيصدقها وهياخد عنه فكره مش كويسه وده عن تجربه شوفتها قدامي لازم يكون راجل قد كلمته

نيره
نيره

والله الهدايا دى شئ تقديرى من العريس حسب قدرتة عمر الهدية ماتنفرض
وانتى اكتر واحدة تقدرى تحكمى اذا كان بخل ولا عدم استطاعة فعلا
لازم يبقا قلبنا على بعض مش مسألت جبت اية وقصرت فى اية
ممكن يروح يداين ويجبلك وتدخلى تلاقيكى مديونة معاه فى شوية كلام فاضى ينكد عليكى عيشتك
انتى اول واخر الحكم بين خطيبك ووالدك

أضيفي مناقشة جديدة

    5
    0
    شاركي بتعليق جديد على هذه المناقشةx
    ()
    x