خلطه طبيعيه للرقبه

حافظي على جمال الرقبة واليكي خلطه طبيعيه فعالة للرقبه

عاوزه خلطه طبيعيه للرقبه تفتحها عن تجربه لاني انا بعاني من غمقان او تصبغ فالرقبة مع ان وشي فاتح بتفتحوها ازاي او اعمل ايه يابنت ساعدوني

ولاء

الفيوم، 22 سنه

guest
3 تعليقات
الأكثر تصويتاً
الأحدث الأقدم
Inline Feedbacks
View all comments
شيماء
شيماء

اعملي لها تقشير بالسكر والليمون وبعدين رطبي

اماني
اماني

استعملي ماسك الكركم ودا لان
الكركم من اكتر المكونات اللي بيستخدموها الهنود من قبل ظهور كريمات التفتيح, وهو مش بس بيساعد على التفتيح كمان مطهر وبيمنع التهابات الجلد, ويعتبر من اكتر العلاجات الطبيعية الفعالة في تفتيح الرقبة.

المكونات عباره عن

كركم “كمية على قد ما تكفي الرقبة”.

لبن رايب او زبادي.

الطريقة:

في بولة او طبق صغير حطي الكركم وضيفي عليه اللبن الرايب او الزبادي بالتدريج لحد ما يتكون عندك ماسك كريمي ناعم مش سميك ولا خفيف, طبقي الماسك على الرقبة وممكن كمان تحطي منه على الوش, سيبيه لمدة 15 دقيقة, وبعدين اغسليه بمية دافية, كرري الماسك يوميا لحد ما توصلي للنتيجة اللي انتي عايزاها.

هلا
هلا

هتجيبي:
2 معلقة صغيرة لوز.

عسل نحل.

1 معلقة صغيرة لبن بودرة.

و الطريقة باه:

انقعي اللوز الاول في مية دافية من بالليل للصبح عشان يطرى, اطحنية لحد ما يتكون عندك عجينة خشنة, في طبق صغير اخلطي اللوز مع اللبن البودرة وضيفي عليهم العسل بالتدريج لحد ما يتكون عندك عجينة سميكة, حطي الماسك على الرقبة وسيبية من 20 – 30 دقيقة, وبعدها اغسليه بمية دافية, كرري الماسك مرتين في الاسبوع.

وممكن تدهني الرقبة كل يوم قبل النوم بزيت اللوز الحلو, بيساعد جدا على التفتيح وترطيب البشرة.

أضيفي مناقشة جديدة

3
0
شاركي بتعليق جديد على هذه المناقشةx
()
x