رائحة كريهه بالحمام

الظاهر حد رمى شيء في البالوعة عزك الله جيبوا سباك يشوف وين المشكلة وحاولي اتصبين أشياء تسلك ومن ابسطها الغازات مثل السفن أب وعندك بعد الكلوركس صبيه وخليه فترة وعقب سمي بالله واستودعيه نفسك وبيتك وعيلتك وصبي ماي حار ولكن سوي هاي الطريقة والعيال في المدارس وحاولي تسكرين الابواب وشغلي المراوح عشان الريحة ما تظل في البيت والبسي كمام افضل

صارت في حمامي مرة وكرهت البيت جبت سيلكون ولبست قفازات ومشيت داير ما دار حولين قاعدة الافرنجي سديتها كويس بعدها بيومين اختفت الريحة تماما جربي عيني

/

انا نفس الحال الين اشتريت منظف المراحيض قوي.اخذناه من محل سباكة علبه خضرا وخطر لازم لاحطيتيه تطلعين برا البيت ماتقعدين ,ولايجي ع جلدك خطر انا صبيت مويه بالحمام الله يكرمكم.وبعدين صبيته ع الارض وفركت شوي شوي وطلعت وصبيت بالمجاري كلها ويوم جيت فركته وصبيت موية صار الحمام كانه جديد والريحه اختفت بس هاذا اتسوينه مره وحده بالسنه لانه قوي ع السيراميك والبيبات الي بالحمام عشان كذا ماتسوينه كثير

انا كان عندى نفس المشكلة واكتشفت ان البيارة (البالوعة) لم تتملى او يكون التصريف يكون بطىء الريحة تدخل في الحمام لم نظفنا البيارة الحمد لله الريحة اختفت