زوجي والتدخين

لو سمحتم ممكن حد يفدني اعمل اييه في الموضوع ده انا زوجي كان بيشرب سجاير قبل ميخطبني وبطلها ماشي وبعد كده كل شويه القي ريحتو سجاير اسالو يقولي دي هي واحده بس اقولو ماشي ومتشربهاش تاني يقولي حاضر لاني انا بتخنق منها اوووي وهو عارف ودلوقتي اتجوزنا اهو وبقا كل مينزل يقعد مع اخوه تحت القيه ريحتو سجاير ويحصل مشاكل وغم بسبب الموضوع ده وخنقات بصو هو لما بيشرب بيقولي وبصراحه هو مش بيشتريها ولا حتى بيدخلها البيت اصلا بس كل مايقعد مع حد بيشرب و يحصل مشاكل بردو وكل مره يقولي مش هشرب وبردو يشرب اعمل اييه اتخنقت من الموضع ده معرفش هو بيعاندي ولا ايه اعمل ايه عوزاه يبطلها خالص ياريت تفدوني ونبي لاني تعبت بجد ?

Rody

guest
3 تعليقات
الأكثر تصويتاً
الأحدث الأقدم
Inline Feedbacks
View all comments
Asmaa
Asmaa

بصى هو ممكن يكون مش بيشرب بس لو اعد فى مكان فيه مدخنين ريحتها هتخش فى هدومه وحتى شعره لو متاكده انه مش بيشرب متنكديش عليه ماهو مش هيخاصم اخوه او اصحابه المدخنين ومش هيقعد معاهم يعنى براحه حبه مش عاركه هى يا ست البنات متخنوقيش الراجل بعد شويه هيعند وهيشرب ادامك وينفخ الدخنه فى وشك كمان الرجاله ملهاش تقاله على كده خدى بالك خصوصا فى السجاير

samar
samar

بصي هو مش هيبطلها غير لما يكون واخد قرار انه يبطلها غير كدا زنك ده هيخليه يعند اكتر ويفضل ينفخ اكتر فيها اتجاهلى شويه ولو سالك انتى مش بتسالى يعنى بتشرب سجاير قوليله هو فى حد بيخاف ع نفسه اكتر من نفسه انت بتضر نفسك وانا مش عاوزه اضايقك واتكلمى براحه متقلبيش ووشك ووتحولى عفريت وانتى بتقوليله

ola
ola

انتي غلط واسلوبك غلط وماحدش هيخسر غيرك دلوقتي مش بيدخلها البيت وعامل ليكي خاطر كتر المشاكل والزن من ناحيتك هتخليه في يوم يزهق ويبدا يعاند معاكي ويشرب قدامك واذا كان عاجبك يبقي ليه يابنت الحلال سايسي امورك وبلاش تقلبي وشك في خلقته هو من نفسه مش هيقرب لها بعد فتره لا جوه ولا بره بس انتي اهدي عليه وبطلي خناق ماحدش هيخسر غيرك

أضيفي مناقشة جديدة

    3
    0
    شاركي بتعليق جديد على هذه المناقشةx
    ()
    x