زيادة الوزن

طريقة لـ زيادة الوزن 10 كيلو في شهر واحد فقط

أنا يا بنات فرحي قرب كمان شهر واحد بس وأنا خاسه جامد عايزه طريقه تكون مجربة اعمها عشان زيادة الوزن بحيث وزني يزيد حوالي 10 كيلو كده خلال الشهر دا وتكون زيادة الوزن مضمونة الله يخيلكم خلال الوقت القصير دا عشان مش عارفة اعلمل ايه

هالة

24 سنة، سوهاج

guest
3 تعليقات
الأكثر تصويتاً
الأحدث الأقدم
Inline Feedbacks
View all comments
فلة السعدني
فلة السعدني

أنصحك تروحي نادي رياضي متخصص ويكون فيه خبير تغذية وتستمري خلال الشهر كله في لعب الرياضة والانتظام على النظام الغذائي المكثف اللي هيقوله لك وهتلاقي وزنك زاد باذن الله وجسمك شد كدا وبقى صدرك وبطنك وأردافك شكلهم حلو ومظبوطين والرياضة هتديك طاقة ولياقة وليونة في جسمك هتنفعك جدا بعد الزواج وياريت كمان تستمري عليها بعد الزواج وهتلاقي حياتك اتغيرت خصوصا بقى لو ركزتي بعد كدا في نوع رياضة محدد انت حبتيه

دعاء
دعاء

في طريقة او نظام اسمه ال “جوماد” الطريقة دي بتعتمد على شرب 4 لتر لبن كامل الدسم يوميا, لان اللبن كامل الدسم غني بالبروتين والدهون وده بيساعد على تقوية العضلات واكتساب الوزن, كمان السوائل بتبقى اسرع في التأثير والجسم بيستفاد منها وبيمتصها وبيهضمها اسرع من الاكلات الصلبة.

وال4 لتر لبن كامل الدسم بيحتوي على 2400 كالوري او سعر حراري, و200 جرام كربوهيدرات, 120 جرام دهون, 120 جرام بروتين, وغيرها كتير من الفيتامينات والمعادن, وخبراء التغذية اصلا صرحوا ان نظام جوماد افضل حتى من المنشطات والفيتامينات اللي بتساعد على زيادة الوزن بسرعة.

شذي
شذي

امشي علي النظام دا وانتي هتوصلي للوزن اللي محتجاه
– ممكن نفطر عادي الفطار بتاعنا والافضل ناكل مثلا بيض بالخضار وتشربي معاه عصير برتقان.

– بعد الفطار وجبة خفيفة ممكن تاكلي مكسرات او موز مثلا وبعدها تشربي لتر لبن.

– وجبة الغدا ممكن تاكلي فراخ او لحمة مع الخضار يعني الاكل العادي اللي انتي متعودة تاكلية.

– بعد الغدا وجبة خفيفة تانية مكسرات او تفاح وتشربي بعدها لتر لبن.

– لو بتمارسي رياضة كلي بعدها موز او شوفان واشربي بعدها لتر لبن, ولو مش بتمارسي رياضة كلي وجبة خفيفة وبعدها اللبن.

– كلي وجبة العشا ممكن تاكلي فيها مكرونة بالصلصة وعليها جبنة.

– بعد العشا وقبل النوم ممكن تاكلي جبنة او فاكهة وبعدها لتر لبن.

أضيفي مناقشة جديدة

    3
    0
    شاركي بتعليق جديد على هذه المناقشةx
    ()
    x