صديقتي تسخر من منزلي

ازيكم عاملين ايه يا بنات انا مطلقه وعندي ولد و بنت وخده اوضه عايشه بيها وشغله عليهم والحمدلله في وحده صحبتي دايما تتريق عليا لما بقول كنت بنضف الشقه كنت بغسل كنت بذاكر مثلا تقولي هي دي شقة انا كنت عادي الأول بس ابتديت ازعل من جوايا وبنتها تقول لبنتي بيتكوا وحش وصغير وبنتي تزعل اقولها المهم احنا مرتحين مش عارفة اعمل ايه معاها ايه

Tota

guest
4 تعليقات
الأكثر تصويتاً
الأحدث الأقدم
Inline Feedbacks
View all comments
مريم
مريم

ابعدى عنها خاااالص سيدنا عمر ابن الخطاب له مقولة حلوة اوووى قال اعتزل ما يؤذيك ما قالش استحمله يعنى اى حد.يتعبك انتى او اولادك نفسيا ابعدى عنه خالص لان ممكن الكلمة كفيلة انها تقفلك من الدنيا كلها

جنى
جنى

انت حامده ربنا وراضيه ومستريحه خلاص بالدنيا ومافيها قولي لها المهم السعاده ربنا يغنينا من عنده بكرة ابنك يكبر وتعيشي معاه في شقه كبيرة كل حاجه بتتغير في يوم وليله وقولي لبنتك اهم حاجه الرضا علشان محدش يتعب وسيبي كل واحد حسابه ع الله

حنين
حنين

امسحي كلمة واحده صحبتي اللي بالنفسية دي وبتتريق على ظروفك كدا دي ما يتقالش عليها صاحبه
وبما انها مش صاحبه يبقى ما تحيريش نفسك واقطعي معاها نهائي وبدون ابداء اسباب كمان
اما بنتك اقعدي معاها وعدلها نعم ربنا عليكم قوليلها انك عايشه بين 4 حيطان بيحموكي من برد الشتا وحر وشمس الصيف وفي غيرك بيموت من البرد والحر لان ماعندوش حتى شمسيه يحتمي فيها قوليلها وعدلها النعم حسسيها بقيمه وعظمه اللي هي فيه وفخميلها حياتها وخليها تفتخر وتحمد ربنا وما يهمهاش كلام اي حد

ام محمد
ام محمد

ربنا يديكي ويوسع عليكي ويبقا عندك شقه كبيره يرمح فيها الخيل وسيبك منها ومتعرفهاش تاني واعمليها زعله والبيت اللي اللي يحيلك منه الريح صده واستريح

أضيفي مناقشة جديدة

    4
    0
    شاركي بتعليق جديد على هذه المناقشةx
    ()
    x