طريقة اللبس فى البيت للزوجة

طريقة اللبس فى البيت عشان جوزك ميزهقش منك ?

اولا انا ضد قمصان البيت ال بكم الطويلة
انتى فى بيتك مع جوزك مفيش ضيوف وضد انك تربطى حاجه على شعرك
المفروض اللبس العادى لشغلك فى البيت لو مش عندك اولاد كبار ييقه لانجيرى قطن قصير و بورمودات و قمصان شقه قصيره ولو عندك اولاد قضيها استرتشات وباديهات حلوة .

واساسى بغد شغل المطبخ كل يوم تاخدى شاور عشان ريحة الطبيخ عموما متقوليش لا استنى اما اغسل المواعين خلى غسيل المواعين قبل الشاور التانى بليل .
هتقوليلى استحمى مرتين هقولك اه وتلاته كمان ست البيت النضيفه لازم تبقي كده ودى من الوصايا العشر ان جوزك يشم ريحتك طيبه دايما .
و اوعى تحطى ابدا برفان وانتى عرقانه بيبقه ريحته بشعهلانه بيتفاعل مع ريحة العرق.

وفى الوقت العادى وانتى قاعده البسى مثلا يوم جيب قصير وبادى مفتوح من عالضهر وشعرك ديل حصان
و يوم هوت شورت و ضرورى الهوت شورت ده لازم يكون جزء اساسى فى دولابك.
ولو عندك اولاد خليها برمودا الحشمه لازم قدامهم خصوصا لو سن مراهقه.

و خلى ديما لبس النوم بتاعك مثير وشيك ومريح جدا فى النومطبعا اللانجيرى ده مش لازم لما يكون عندك رغبه فى جوزك و بس
لا عادي تثبتى ايام لنفسك تتمكيجى وتلبسى لانجيرى شيك.
وضرورى جدا من الجرأه بعيدا عن الرسايل المثيره للزوج وهو فى شغله انك لو متأكده ان محدش بيمسك تلفونه تستعدى وتلبسى لانجيرى حلو وصوره حلوة وابعتيله الصوره عالواتس.

ولازم دايما لبسك الداخلى يكون متناسق ونفس اللون او لايق على بعضه لان الزوج بصرى وبيركز الرجاله بيثيرهم النظر و غيري الاندر اربع مرات في اليوم عشان ميعملش اي ريحه.
و كمان شوفي ايه الموضه في اللبس الايام دي و جيبي طقم او اتنين خروج و البسيهم في البيت كانك خارجه حتي لو مش استايل لبسك
احنا بنشوف البنات شبه مش لابسين فى الشارع اكتر حاجه بتثير الراجل النظر اكتر من اللمس يعنى اهم حاجه تكونى حلوه قدامه ريحتك حلوه شعرك مظبوط لبسك مدلع شكلك مثير .

من الاخر ميحسش انه متجوز اخته لابسه بكم وطويل ولفه شعرها لازم تنسى لف الشعر واللبس المحترم اوى ده وجوزك موجود ممكن تنوعى فى اللبس مره جيبه قصيره وبادى قط مره بنطلون وبلوزه مفتوحه مره لانجيرى قصير مره طويل كدا .

ربنا يسعدكم جميعا ..

Laila

26سنة

guest
2 تعليقات
الأكثر تصويتاً
الأحدث الأقدم
Inline Feedbacks
View all comments
تقى
تقى

نصايح جميله شكرا يا قمر

خلود
خلود

??? والله الرجاله دي بتتعذب معانا

أضيفي مناقشة جديدة

    2
    0
    شاركي بتعليق جديد على هذه المناقشةx
    ()
    x