طريقة تسوية ستيك اللحم من دون شوي عالبوتاجاز ؟

في الفرن …مجرد فكره

بصي بجيب طاسه ع نار هاديه
وفيها معلقتين زيت واحمرهم كدا ع الوشين

لو عندك جريل من الل بتتقفل
او المفتوحة وغطيها بغطا حلة وسيبيها

بصي هتبليها بشوية خل وبصل وملح وفلفل اسود وكمون وبابريكا وبهارات لحمة وشوية كاتشب وتسيبيها شوية ف التتبيلة
وبعدين ف صنية فرن هتحطي سمنة وشوية زيت وتحمصي حبهان وورق لورا فيهم وبعدين تقطعي بصلة شرايح كدا وتدبليهم وتحطي شوية سكر لحد مالبصل يكرمل وبعدين ترصي فلفل اخضر شرايح وبعدين اللحمة ف الصنيه
وبعدين تقفلي الصنية بفويل وتحطيها ف الفرن بتقعد ساعة تقريباً والف هنا😍

ستيك اللحمه هتقطعي كل حته من 2 ل 3 سم سمك بالكتير
وهتبليه ملح وفلفل وممكن حبه صويا صوص وزيت زيتون وعلي الجريل اللي علي النار او طاسة بس تكون تقيله وتسخنيها كويس جدااااااا وتنزلي بالاستيك كل وش 3 دقايق او 5 بالكتيييير ولما تقلبي الوش تاني انزلي بحته زبدة وفصين توم كاملين وروز ماري او زعتر بري وبالمعلقة صبي الزبدة علي الاستيك وبالهنا والشفا

حطيها فى ورق المونيوم وسخنى المكواه كويس وحطيها عليها لمدة ١٠ دقايق

تبليه بملح وفلفل اسود وزبادي وصويا صوص ومعلقة خل ومية بصله كبيره لمده ساعه او اكتر
ع الجريل او طاسه تيفال سخنه حطي حته زبده وفصين توم ونزلي الشريحه كل ناحيه عشر دقايق بالكتير اوي عشان بينشف لو قعد اكتر من كده وبالمعلقه تفضلي تحطي من الزبده السخنه اللي حواليها فوقها بحيث تساعدي في سوا الناحيه اللي فوق كمان
وطلعيه رصيه فوق بعضه ف حله وغطيها وسيبيه يهدي ربع ساعه كده وبالف هنا

انا بتبلها وممكن تسيبيها ف التتبيله شويه او علي طول تسخني الطاسه / الجريل وتنزلي بيهم وحده وحده لما الوش ياخد لون تقلبيه ياخد لون وتهدي النار وتحطي نص او ربع كوب مايه علي حسب الكميه وتغطي
كل شويه تتابعيه ولما الميه تقل تزوديها حبه حبه لحد ماتستوي
بعملها علي طول كده وبتطلع جميله وبتعمل صوص حلو كمان 😋 بالف هنا