كرشي كبير

كرشي كبير فكيف أتخلص منه سريعا بطرق مجربة

اكبر مشكلة في حياتي الآن هي ان كرشي كبير 🙁 فعلا مش طايقة نفسي ولا طايقة اخرج او اروح شغل او اشوف ضيوف بسبب ظهور كرشي بهذه الطريقة، حجم بطني حرفيا مسبب لي أزمة نفسية خصوصا ان لسه والدة من شهرين وكنت على أمل أن كرشي هيرجع لحجمه وشكله الطبيعي بعد كدا .. لكن بدون فائدة ولسه كرشي كبير زي ما هو
أنا حاسة اني فقدت ثقتي في أنوثتي قدام زوجي بسبب شكل بطني
ياريت بجد اللى عندها تجربة مفيدة أو حل نهائي لموضوع الكرش لا تبخل علينا بيه

شيماء محمد

27 سنة، القاهرة

guest
10 تعليقات
الأكثر تصويتاً
الأحدث الأقدم
Inline Feedbacks
View all comments
فجر محمود
فجر محمود

في رجيم اسمه رجيم قرطاي نظام ممتاز جدا
اختي ماشية عليه وجاب معها نتايج مذهلة الصراحة

نرمين
نرمين

أنا بطلت آكل عيش ورز ومكرونة من حوالي شهرين وبطني راحت خالص

شهد
شهد

الريااااضة كل يوووم من غير كسل

Yara
Yara

سمعت ان الكمون مفيد جدا مع القرفة والنعناع والشاي الاخضر والزنجبيل اغلي واشربي

Hend
Hend

كل ما تفتكري كرشك اشفطي بطنك لاقصى مدة تتحمليها
والرياضة بقي مهمة جدا

زهرة
زهرة

اعملي تمارين صباحية كل يوم لشد البطن
وخففي من المشروبات الغازية وكتري من المشروبات السخنة بالذات القرفة والزنجبيل والشاي الأخضر ومش تاكلي وتنامي علطول لازم عالاقل قبل النوم بساعتين

فدوى
فدوى

من الأخير وبدون كلام كثير
احذري من المشروبات الغازية كلها وامنعيها

بسنت
بسنت

هقولك على مشروب رائع جدا والله وجاب معايا نتيجة سريعة في ازالة الكرش
بس لو انت حامل مش تستخدميه لأنه بيفتح الرحم
غير كدا استخدميه وان شاء الله الكرش هيروح خالص

المقادير :
نص معلقة قرفه – نص معلقة جنزبيل – معلقة نعناع – باكو شاى أخضر – نص معلقة كمون
هتغلي المكونات دي لمدة 5 دقايق
ولما يبرد شوية تشربيه

المهم اشربيه مرة الصبح على الريق ومرة قبل النوم واستمري عليه مع الرياضة لمدة شهر وهلاحظي الفرق في زوال الكرش البارز خالص

أسماء
أسماء

اهتمي بالرياضة وفعلا هتلاحظي الفرق سريع جدا ومنطقة الكرش هترجع زي ما كنتي صغيرة
مشكلتنا الأساسية انننا مش بنصبر على الرياضة ولا بنستمر عليها
ومش لازم تروحي جيم أو تشتركي في نادي لو دا هيخليك تكسلي
ممكن تعملي الرياضة في البيت عادي .. والتمارين معروفة .. والمهم تستمري وما تكسلي ولا يوم
أنا عارفة واحدة عمرها 40 سنة وكانت برضه عندها مشكلة الكرش واستمرت على الرياضة في البيت وبعد شهر واحد فعلا جسمها تغير خالص
شجعي نفسك واستمري على الرياضة وهتتحل مشكلة الكرش عندك بإذن الله

نهى
نهى

والله يا أختي أهم شيء الابتعاد عن العادات الخاطئة في التغذية
يعني لا تأكلي وتنامي
ولا تشربي ماء أثناء الأكل
وتبتعدي عن الأكل الغير صحي

أضيفي مناقشة جديدة

10
0
شاركي بتعليق جديد على هذه المناقشةx
()
x