كيفية علاج تقصف الشعر من الاطراف

كيفية علاج تقصف الشعر من الاطراف بدون قص

ممكن تقولوا لي كيفية علاج تقصف الشعر من الاطراف لان شعري مقصف جدا من عند الاطراف وعايزه علاج ليه غير القص لانه قصير اصلا ومش حابه اقصه

هناء

29 سنه، القليوبيه

guest
3 تعليقات
الأكثر تصويتاً
الأحدث الأقدم
Inline Feedbacks
View all comments
حنان
حنان

زيت جوز الهند حلو اوي وكمان حطي فازلين طبي بجوز الهند بعد ما تسرحي شعرك وعلى الاطراف هتحسي بفرق

سميره
سميره

استخدميله ماسك زيت جوز الهند:
لان زيت جوز الهند دا يعتبر مرطب طبيعي عميق للشعر,و الميزة فيه انه مناسب لكل انواع الشعر.

على شعر نضيف وجاف, خدي كمية من زيت جوز الهند ودلكي بيها الشعر من الجذور للاطراف, لفي الشعر بفوطة سخنة وسيبيه 20 دقيقة, شيلي الفوطة واستني 10 دقايق كمان, وبعدين اغسليه بشامبو خفيف ممكن نستخدم شامبو جونسون للاطفال, ومع الماسك ده كمان مش هتكوني محتاجة تستخدمي بلسم, كرري الماسك مرة واحدة في الاسبوع.

سها
سها

استخدميله ماسك البيض
لان البيض بيحتوي على الاحماض الدهنية الاساسية والبروتينات, والصفار لوحده بيحتوي على الدهون الثقيلة اللي بتساعد على تغذية وتنعيم الشعر, وعلاج انقسام الاطراف.

هتخفقي بيضة, وضيفي عليها من 2 – 3 معالق صغيرة زيت زيتون, و 2 معلقة صغيرة عسل نحل, اخلطي المكونات كلها مع بعض كويس, حطي الخليط على الشعر كله وركزي على الاطراف, سيبيه لمدة 30 دقيقة, وبعدين اغسليه بمية باردة وشامبو, وكرري الماسك مرتين في الاسبوع .

أضيفي مناقشة جديدة

3
0
شاركي بتعليق جديد على هذه المناقشةx
()
x