ما هى انواع الحلل

ما هى انواع الحلل لجهاز العروسة وأفضلها في الاستعمال؟

السلام عليكم معلش يا بنات بما انى لسا بجهز ومليش خبرة فالحجات ديه فكنت محتاجاكوا تقولولى ما هى انواع الحلل الافضل يعنى الحلل التيفال مثلا ولا الاستانلس واعرف احسن الانواع ازاى؟ وبيتجاب كام طقم؟ والاسعار ايه نظامها و بالنسبة للصينى كمان برضه اعرف ايه احسن الانواع وبالنسبة للاركوبال كمان ايه احسن انواع انا عجبنى اووووى الاركوبال على بايركس اشكاله والوانه تحفة انتوا ايه رائيكوا فيها؟ معلش طولت عليكو

سلوى عصام

22 سنه

guest
3 تعليقات
الأكثر تصويتاً
الأحدث الأقدم
Inline Feedbacks
View all comments
طالبة الجنان
طالبة الجنان

للاسف لازم تجيبي انواع كتير مش هينفع تكتفي بانواع معينه فلازم تجيبي تيفال وسيراميك او جرانيت وكمان الومنيوم واستاانلس وكمان البيركس والاركوبال الاتنين بتستخدميهم اكتر من الصيني اللي بيتركن في النيش والالوان دي ع حسب الزوق انا بفضل المستطيل واللي يكون فيه ابيض كتير

آية
آية

طبعا يا عروسه لازم الومنيوم ضرورى جدا علشان الطبيخ وعشان العزايم ونوع الالومنيوم الحلو بتاع مصانع 6 اكتوبر جيد ومتين وشكله راقى

هدى
هدى

….بصى ياستى انا من رأى ان الاستانلس مش عملى خالص ماعدا حله واحده تسلقى فيها المكرونه مثلا…اما التيفال فانا تقريبا مش بطبخ غير فيه حتى المكرونه ومن رأيى تجيبى طقم لانه هيبقى ارخص والصينى طبعا بتزيد قمته وجودته كل ما يبقى خفيف وتحطى صوباعك وراه وتشوفى فى الضوء صوباعك كده اما الاركوبال فيه نوع اسمه لومينا ده فرنسى بس اتاكدى انه اصلى وبيبقى فيه طقم معاه الاكواب بتاعته يارب تلاقيه

أضيفي مناقشة جديدة

    3
    0
    شاركي بتعليق جديد على هذه المناقشةx
    ()
    x