زواج عرفي

متزوجة زواج عرفي ومتقدم لي عريس رسمي

أنا متزوجة زواج عرفي من سنة ومتقدم لي عريس الآن رسمي لأهلي ومش عارفة أتصرف ازاي أنا طالبة في كلية هندسة جامعة عين شمس في آخر سنة وأنا في سنة أولى تعرفت على زميل لي في الكلية أكبر مني بسنتين كان بيشرح لنا بعض المسائل وكدا وحصل بينا اعجاب متبادل وبعدين تطورت العلاقة بينا إلى علاقة حب وكنا على تواصل دائم وهو ظروفه المادية كانت ومازلت صعبة وكنا وصلنا لمرحة كبيرة أوي من الحب والشوق ومكنش في قدامنا طريقة غير اننا نتزوج عرفي وفعلا عملنا زواج عرفي عن طريق كتابة عقود الزواج العرفي بينا بشهادة اثنين من أصحاب حبيبي، وفضل الموضوع سر لحد الوقتي كنا بنتقابل ونتلاقى في أماكن مختلفة بحسب الظروف بس مكنش بيفوت أسبوع غير لما نتقابل ويحصل بينا علاقة جنسية كاملة وخلال السنين اللي فاتت تقدم لي عرسان كثير لأهلي وكنت برفض لكن الأيام دي وأنا في آخر سنة في الكلية متقدم لي عريس أهله أصحاب أهلي وعارفيهم كويس ومفيش فيه أي عيب وأبويا مصر إن أوافق عليه خصوصا إني بنته الوحيده ومش عارفة أعمل ايه ولا ازاي أقولهم إني متزوجة أصلا عرفي ومش لاقيه أي حل وحتى كمان مش عارفة ازاي أحكي لزوجي الموضوع

نرمين

القاهرة

avatar
الأحدث الأقدم الأكثر تصويتاً
هاجر
هاجر

الصراحة هي الحل
لازم والدك وأهلك يعرفو عشان لو عدت المرة دي مش هتعدي المرة الجاية
ممكن تشوفي عمك او خالك او حد يكون اكثر عقلانية وله تأثير على والدك وتحكي انك تزوجتي زواج عرفي وتطلبي يحكي لوالدك الموضوع

يقين
يقين

خلينا نتفق إنه مفيش حل غير إنه اللي انت متزواجاه عرفي لازم يتقدم لك رسمي
لازم تأمني نفسك ويبقى معاك اثبات الزوج العرفي
وتطلبي منه يتقدم لخطبتك من أهلك رسمي حتى لو مش هتتزوجو رسمي قريب
ومش لازم حد يعرف انكم تزوجتم عرفي ولا غيره
بس يتقدم لك رسمي وانت تقنعي أهلك انك بتحبيه ومش هتوافقي على غيره
ولو الامور اتعقدت على الآخر وأهلك مش وافقوا ممكن تحكي لأمك فقط في السر اللي حصل وهي هتقنع أبوك يوافق عليه
لو هو أصلا رفض يتقدم لك روحي لأهله واحكي لهم اللي حصل بينكم وخليهم يتقدمو لك رسمي أيا كانت ظروفهم

أضيفي مناقشة جديدة