معجبة زميلي في العمل

أنا معجبة جدا بـ زميلي في العمل ولا أعرف كيف أتصرف

بنات أنا معجبة جدا بـ زميلي هنا في العمل ومحتاجة مساعدة بدون تريقة لو سمحتم أو نصيحة أنا عندي 28 سنة وبشتغل ومعايا في الشغل زميلي هو عاجبني الصراحة وهو لافت نظري جدا احنا مع بعض بقالنا سنة في العمل سوا ايه المفروض اللي أعمله عشان ألفت نظره مع العلم أنا مش بتكلم كتير ومش بتعامل مع زمايلي الرجالة

لولو

محررة، القاهرة

guest
6 تعليقات
الأكثر تصويتاً
الأحدث الأقدم
Inline Feedbacks
View all comments
نوال
نوال

الطريق لقلب الرجل هو معدته حكمة مفعولها سحري 😀
شوفي بيحب اكل ايه واعمليه وخديه معاك الشغل للزملاء في الشغل كلهم بما فيهم هو يعني ومككن تكرري دا مع أصناف مختلفة بس لازم تكوني انت فعلا بتحبي الطبخ والمطبخ وكدا ومفيش عندك مشكلة لدا
عشان مش توقعي الراجل ويخطبك على أساس انك طباخة أو على الاقل بتحبي المطبخ وبعدين يطلع دا مش حقيقي وتعيشي انت في ضغط
ولا نغش ابن الناس بقى ولا ايه 😛

زهراء
زهراء

بصي هوا انا شايفة انه مش واخد باله منك او حاطك في دماغه والا كان لفت نظرك او لمح
فانتي لو اتكلمتي او لفتي نظره كده هتئذي نفسك انتي في الاخر فبلاش احسن

فاطمة
فاطمة

لو هوا مش بدأ انتي عمرك ما تبدأي عشان ممكن يكون مش بيفكر فيكي الراجل لما بيحب بيقول مش بيستحمل فطالما بقالكو سنة وهوا عادي انتي متتكلميش ولا تحاولي تلفتي نظره وادعي ربنا يريح قلبك ويكتبلك الخير

بطاطس
بطاطس

تلفتي نظره ليه
خليكي زي مانتي وادعي ربنا انه يرزقك بيه لو فيه خير
انما انتي تفضلي زي مانتي محتفظة بكرامتك وانوثتك مش تدلقي عليه

فاطيمة
فاطيمة

مش عارفة بس طالما انتي مش بتتكلمي مش هياخد باله منك خالص
حاولي تتكلمي معاه وتظهريله شخصيتك في حدود الأدب والاحترام وإذا بردو محصلش خطوة جديدة اصرفي نظر عن الموضوع

ضحى
ضحى

سنة ومأخدتش باله منك وانتي معجبة بيه
اصرفي نظر يا حبيبتي وما تشغليش قلبك وعقلك على الفاضي
ربنا يرزقك باللي يستحقك

أضيفي مناقشة جديدة

    6
    0
    شاركي بتعليق جديد على هذه المناقشةx
    ()
    x