هل الكبدة بتتغسل وتتنظف قبل ما تتعمل ولا لا ؟

اه بغسلها طبعا عشان الميكروبات ازاي ممكن اخدها من ايد الجزار وبتتنقل من ايد لايد كدا وبعدين احطها واكلها طبعا لا لازم اغسلها واتبلها بخل وليمون

مبحبش اغسلها خالص بحس ان الفايده اللي فيها هتروح ماما بتقول كدا دايما

الكبده مابتتغسلش ياجميل والا هتفقد كل فيتامينتها
انا بعملها التتبيله دى وانسى الزفاره

توم – بابريكا – لمون – ورق لورو- جنزبيل -طماطم مبشوره

التتبيله دى لاى نوع كبده او كبد قوانص
بتنقعيها نص ساعه وبعد كده هتطبخيها بالطريقه الى تريحك ادخلى مواضيعى هتلاقى كذا طريقه لطبخ الكبده

مقدرش اكلها من غير غسيل استحاله
انا الاول بقطعها واحطها في مصفاه واعصر عليها ليمون كتير واسبها ربع او نص ساعه وبعدين اشطفها من الليمون ولو مفيش ليمون خل واتبلها بالتوم والكمون والكسبره وبحط شويه لبن صغيرين لو عندي وممكن اضيف كمان في التتبيله اي حاجه تانيه حسب رغبتك وبعدين شوفت موضوع في التدبير المنزلي اننا لازم ننقعها بشويه لبن يعني بدل الليمون او الخل عشان ده بينزل السموم الي فيها وكده تبقي مفيده وبردو المعلومه دي من برنامج سالي فؤاد وهيا خبيره تغذيه قالت اننا ننقعها في شويه لبن وبعدين عادي اطبخيها بطريقتك

انا بنقعها في خل +ليمون+كمون+واحيانا معاهم زعتر او كزبره
مجرد توابل
واحيانا بضيف عليها في النقع التوابل اللي هستخدمها لها لو بالخضار