تركيب اللولب يسبب نزيف

هل تركيب اللولب يسبب نزيف فعلا وما هي تجاربكم معه ؟

بنات هوا فعلا تركيب اللولب يسبب نزيف ممكن تحكولي عن تجاربكم مع اللولب وبعيدا عن انه آمن أو لا عاوزه اعرف تركيبه سهل ولا صعب وبعد ما يتركب بتكون ايه دنيته يعني وبيعمل نزيف زي ما بسمع ولا ايه واحسن نوع ايه وشكرا ❤️

مروة

25 سنة

guest
15 تعليقات
الأكثر تصويتاً
الأحدث الأقدم
Inline Feedbacks
View all comments
منى
منى

ركبته مرتين مره تعبت جدا وكان مؤلم اوي ومحستش بيه وانا بشيله والمره التانيه كان الالم بسيط وبالنسبالي هو بيزود غزارة الدم اول كام يوم وخلاص

اماني
اماني

روحي لدكتورة شاطرة أنا فضلت كذا سنة مرعوبة أجربه ولما جربته الحمد لله لقيته سهل ومش بياخد وقت كتير أصلا في التركيب
واستخيري أفضل

مي
مي

تركيبه صعب وشيله سهل

نورة
نورة

النحاسي والفضي والكلام ده تعبني جدا .. الهرموني حلو اوي معايا ..

تركيبه صعب وبيوجع ركبيه ف تالت يوم بيريود ابس صعب برده 😂💔

شيله اسهل

الهرموني مبيعملش الم وبيقلل الدم بالنسبالي

النحاسي والفضي بيعملو الم ف الضهر والبريود وبيزودو كمليه الدم جدًا وبيسبق افرازات كتير

انجي
انجي

بتختلف من واحده للتانيه
لو أنتي شعورك بالالم عالي بيبقي مؤلم جدا لو عادي بيبقي ألم خفيف محتمل
أنا ركبته مره بصريخ و عياط و بهدله و تاني مره ببنج كامل في المستشفى و في كل مره جسمي بيطرده داخل الجسم و بشيله بعمليه منظار
و غيري كتير بيتالمو جامد و بيثبت و غيرهم مش بيتالمو اوي و مش بيثبت و غيرهم عادي مفيش ألم غير خفيف و بيثبت

زاد
زاد

بتختلف من واحده للتانيه
وحسب ايد الدكتور برضه بتفرق جدا
في دكتور شاطر وايده خفيفه مش بتحسي غير بشكه بسيطه
وفي ايدهم تقيله
وفي ستات بيحصلهم تشنج مهبلي في اي فحص نسا وفي طبعهم خواف وبيتألموا بسرعه
وفي بيستحملوا الالم
عموما تركيبه بيبقي اخر يومين في البريود لما النزيف يبقي قليل خالص عشان الرحم يبقي مفتوح
الحيض بعد تركيب اللوب بيزيد في الكميه والايام
لكن اللوب الهرموني لا بيقل الحيض خالص بيكون نقط بسيطه وممكن ميجيش كمان عند بعض النساء
في بيرتاحوا مع اللوب وتفضل بيه سنين وفي لا
وفي ستات الرحم مش بيتقبل اللوب وبيقع كل شويه او يتحرك من مكانه بيكون عندها تقلصات كتير في الرحم
وفي بيركبوه بالسنين مش بيحسوا بيه وبتبقي وسيله مريحه ليهم
لازم تجربي بنفسك وتشوفي هترتاحي ولا لا

سارة
سارة

في التركيب مش. صعب بس تكوني في أيام البريود
وممكن ترتاحي معه وممكن لا
انا عن نفسي زودلي ايام البريود فشلته عشان انا رفيعة ومش هستحمل كثره الدم ده

روفيدة
روفيدة

بتاع الوحده الصحيه ب3جنيه وزى الفل

سناء
سناء

اهم حاجه نوعه يكون نظيف و غالى علشان فى نوع ب ٢٥٠ ع اعتقد ناس اشتكت منه فى واحد ب ٦٠٠ ده كويس انا ركبته و حلو

دعاء
دعاء

وجع تركيبه عادي يعنى تستحمليه
وهتاخدى كام شهر كدة(٤او ٥شهور ) على ماجسمك يتعود عليه وبعد كدة خلاص

منال
منال

بصي انا ركبته وماكنش في وجع بس بيحصل معايا هبل كتير يعني بتيجي ف غير معادها شويه يكون نزيف وشويه مايه تيجي يوم وتمشي وانا اصلا مش عارفة ده طبيعي ولا ايه ده غير انها بتطول جدا

ريهام
ريهام

متقلقيش مفيش الم ولا تعب منه باذن الله

سلوى
سلوى

تركيبه مش كله زى بعضه انا عندى المكان ضيق كان لازم ببنج …النزيف برده مش كله زى بعضه …بينقط يومين ٤ او ٥ كتير يرجع ينقط يوم تانى
غالبا ينتظم بعد٧ او٨ شهور كده

آلاء
آلاء

رکبیه فی الصحه شاطرین وبینجزوا ماشاء الله

هبة
هبة

ركبيه في اخر يوم في البريود بيكون اسهل ومش شرط يعمل نزيف فيه ناس بيكون كويس معاها وناس جسمها مش بيتقبله ربنا يقدرلك الخير

أضيفي مناقشة جديدة

    15
    0
    شاركي بتعليق جديد على هذه المناقشةx
    ()
    x