وصفات لتعطير الشعر

وصفات لتعطير الشعر بشكل ثابت يدوم فترات طويلة

بنات عايزة اعرف وصفات لتعطير الشعر تدوم لفترة طويلة وتكون ثابتة و المهم تكون وصفات طبيعية عشان متئذيش الشعر عالمدى البعيد

مروة

25 سنة

guest
22 تعليقات
الأكثر تصويتاً
الأحدث الأقدم
Inline Feedbacks
View all comments
مايسة
مايسة

اسهل طريقه تعملي بيها هير ميست او تعطري بيها شعرك … طبعا ريحه الشعر مشكله بتسبب احراج لبنات كتير وخصوصا مع العرق والحجاب والكتمه وخصوصا ان الشعر بيلقط كل الروايح الوحشه اللي ف الجو… لذلك تعالي بسرعه وفيونكه وبيبيونه هتقولك عالوصفه المضمونه… هتجيبي قزازه ببخاخ معلقه زيت جوز هند بيدي لامعه ميه مقطره او ميه مغليه مش هتفرق رول زيت عطري للبرفان المفضل ليكي… او زيت عطري مسك بتبقي ريحته تجنن هتجيبي البخاخه تمليها ميه… وتحطي عليها معلقه زيت جوز الهند و١٥ نقطه من الزيت العطري المفضل ليكي وهتاخدي شاور وتعملي الروتين بتاعك عادي… وبعد ما تنشفي شعرك هترشي عليه من الهير ميست ده. وممكن ترشي منه يوميا علي الفرشه وانتي بتسرحي او عالشعر بشكل مباشر وهتبطلي تتكسفي تماما من ريحه الكمكمه او الدخان او اي ريحه في شعرك بالعكس هتحسي طول الوقت انك شامه ريحه تحفه طالعه من شعرك و كل صحباتك هيسالوكي انتي حاطه ايه ف شعرك افضل الزيوت اللي ممكن نرشحها زيت المسك طبعا رائع زيت سكيب قوي جدااااا وريحته ثابته.. بس لا يفضل للناس اللي مش بتحب الروايح القويه زيت كوكو مودموزيل.. قوي وفواح وبيستمر وجوده واثره بشكل قوي للناس اللي بتحب البرفانات الشوجري هتحبو جدا ريحه مون سباركل علي شعركو وبون بون وفانتزيا بريتني سبيرز… قراءة المزيد ..

افنان
افنان

زيت لافندر تحفه جدا

جنات
جنات

جربي الهير برفيوم من سيرا وهمممم

رباب
رباب

فى طريقه جربتها حلوة اوووى انك ترشي برفان او اى اسبراى بتحبي ريحته ع فرشه الشعر و بعد كده تسرحى بيها بتخليه ريحته حلوة جدااااا و فى سيرم للشعر بيكون الروائح بتاعته حلوة ❤️

أروى
أروى

الزيوت العطرية

سلوى
سلوى

فيه مخمريه سيرم من( ماى واى) انا جربتها جميلة

جودي
جودي

فى ياجماعه معطرات للشعر مخصوص وماركات مختلفه وكمان فى دراى شامبو ده اكنك غسلتى شعرك على الناشف كده وكل ده بينعش الشعر وبيخلى ريحته حلوه

سماح
سماح

بلسم بعد الشامبو بيقعدلحد الدش اللي بعده ريحته جميله اوي أنا جربت هيد اند شولد و كان حلو جدا

سلمى
سلمى

كنت ببخر شعري بالبخور بس دا زمان ايام الفضاوة والدلع
دلوقتي شامبو وبلسم وزي الفل عايشه لسه

مي
مي

Hair spray
فى good girl لو الظروف تسمح لانه غالى

سارة
سارة

(تنشفيه قبل ما تلميه) دي أهم حاجه
تاني حاجه تستخدمي حمام كريم او شامبو او بلسم او أي حاجه بيتغسل بيها ريحتها حلوه وبس كدا

جوجو
جوجو

العطار الى اسمه حراز عامل اسبراى للشعر بروايح زى فيكتوريا سكريت انا لسة مجربتوش بس قريت عنه

امل
امل

بخريه بالمبخره خلي البخور يطلع عليه
بيفضل ثابت ويجنن

ام مالك
ام مالك

مخمريه الشعر من ريحانه حاجه كده وهم عن تجربه

منار
منار

برفانات الشعر عند Guess يجنن وممكن Victoria Secret

عبير
عبير

بصي باستخدم شامبو تريشوب والفيف بديل الزيت الدهبي بيخلي شعري ريحته جنان وحاولي تنشفي شعرك كويس بعد الشاور

رفيف
رفيف

فى مخمرية للشعر واهم حاجة متلفيهوش مبلول

رقية
رقية

بلسم يكون نظيف ريحته بتفضل في الشعر فترة لان جربت حاجات كثير وما نفعتش

اسراء
اسراء

المخمرية
او ميست للشعر

هند
هند

بعد مابحط برفن برش رشه ع ايدي وتخلل شعري كدا بس يكون برفن نضيف وثابت
حاليا جبت سيرم الدهب للجسم و الريحه الشعر هجربه لسة ولو حلو هقولكم

بسملة
بسملة

المخمريه

بنوتة
بنوتة

مغلي القرنفل
يعني تجيبي شوية قرنفل وتغليهم في ماء ويتم تغطيته أثناء الغليان حتى لا تتطاير منه الزيوت والروائح العطرية ويترك ليبرد ويتم تعبئته في بخاخة ويتم الرش على فروة الرأس مع التدليك مرة واحدة في اليوم

أضيفي مناقشة جديدة

    22
    0
    شاركي بتعليق جديد على هذه المناقشةx
    ()
    x